تغيير صورة الحساب

و بعدين ايه الصورة اللي انتم حاطينها جنب اسمي دي؟

هو انتم شايفين ان شكلي كده؟

مرحبًا هالة،

يرجى العلم ان هذه الصورة الأساسية التي تظهر لأي حساب جديد علي Jotform أو في حالة انه ليس لديك حساب علي Jotform وتقوم بالمشاركة في صفحة الدعم مثل حالتك. اذا كنت ترغب في انشاء حساب على Jotform باستخدام البريد الإلكتروني الخاص بك، سوف تتمكن من تغير صورة الحساب من اعدادات الحساب:

يمكنك معاودة التواصل معنا اذا كان لديكي اي اسئلة أخرى

شكرا يا محمود

انا مش باعترض عالصورة

و على فكرة أنا كنت اقصد صوره القطة دي اللي جنب صورتي

بس مافيش مشكلة خالص

بس تقريبا مش انت اللي كنت بترد على من اول ما بدات استفسر عن موضوع الاستبيان

هل كل مره باسال اي سؤال بيرد على شخص مختلف؟

و أنا بخصوص صوره القطة فأنا مش معترضه عليها

بالعكس أنا باحب القطط

و عندي قط مشمشي اسمه قطوط

تبنيته من ٥ سنين

يعني مافيش حد شاف حل لموضوع الاستبيان اللي مش عارفه أسلمه ده

منكن تكون المشكله من النظام عندكم

او من الحساب اللي عامل الاستبيان ده عن طريق موقعكم

انا مش عارفه

بس انتم اكيد تقدروا تعرفوا ايه سبب المشكله

و اكيد عارفين مين اللي مقدم الاستبيان ده من موقعكم

عشان اكيد له حساب و متعرف عندكم

و له ايميل

أنا كل ده مش مسؤليتي

دي مسؤليتكن انتم

او لو مش عارفين تحلوا مشكله زي دي

يبقى تقفلو الموقع بتاعكم ده احسن

مرحبًا هالة،

بالفعل لقد قام صديقي بتوضيح المشكلة في الموضع الآخر الخاص بسؤالك. بعد الكشف عن الرابط وصاحب النموذج، فهو حساب مجاني يمكنه استقبال ١٠٠ ارسال شهريًا فقط. ولذلك، تظهر هذه الرسالة الآن لان الحد الأقصى لاستقبال الردود علي هذا النموذج قد تعدت ١٠٠ ارسال.

للاسف ليس لنا علاقة بهذا الخطأ، صاحب الحساب هو المسؤول عن اختيار نوع الاشتراك المناسب له علي موقع Jotform.

طيب يا محمود

يعني أنا فهمت ان العدد اللي ممكن يبعت الاستبيان ١٠٠ كل شهر

و ال ١٠٠ المخصصين لشهر يوليو اكتملوا

و الشهر الجاي اللي هو شهر اغسطس هيكون مسموح ل ١٠٠ كمان يبعتوا

صح؟

يعني اقدر ابعت الاستبيان ده من اول اغسطس

طيب ممكن لو سمحت تكتم على المعلومة دي لغايه اول الشهر على ماكون بعت أنا الاستبيان ده

عشان لو قولت المعلومه دي لاي حد تاني كلهم هيبعتوا اول الشهر و يمكن العدد يكتمل و ماقدرش ابعت برضه

و عندي في المدرسه عمالين يزنوا انه لازم نبعته

و انها حاجةمهمه

بس لأول الشهر على ما ابعت أنا

و اول لما ابعت هاقولك على طول

و ساعتها ابقى قول لاي حد مش مشكله

بس دلوقتي لو حد سالك قوله اي حاجة

مثلا ان في عطل

او اي حاجة تيجي على بالك

ماحدش فاهم حاجة

ابعته أنا الأول بس و اخلص

احسن زهقت من الحوار ده

الله يكرمك يا بني

مرحبًا هالة،

شكرا لإعادة التواصل بنا. يسرنا إخبارك أننا لا نستطيع الإفصاح عن بيانات أي حساب لغير صاحب الحساب نفسه، ولم يتصل بنا أي شخص غير حضرتك بخصوص هذا النموذج، ولهذا لا داعي للقلق.

أخبرينا من فضلك إذا كانت لديك أي أسئلة أخرى.

متشكرة جدا

الله بكرمك

و ان شاء الله اقدر ابعت الاستبيان لما يفتح تاني الشهر الجاي

أنا بس باتعجب عاللي نظم الاستبيان ده

و بعته للمدارس في مصر كلها

و شوف بقى مصر فيها كام مدرسه في المراحل كلها

يعني هو ماكانش عارف ان الاستبيان ده محدود ب ١٠٠ مشاركه بس

و ادي ياعم الناس اللي بنتعامل معاهم

ماحدش فاهم حاجة

القصد

انا اخدت بالي إنكم اتنين اللي كانوا بيردوا علي

انت عبدول

و محمود

عموما أنا متشكره لكم انتم الاتنين على سعة صدركم و تحملكم لي اليومين دول

و خصوصا اني ممكن اكون اتعصبت عليكم شويه

بس الواحد متوتر خلقه و مش ناقص كمان يطلبوا مني كل شويه اشئ استبيان

و اشئ تدريب

و كانهم صعبان عليهم المدرس يقعد يومين من غير ضغط

و هي كلها اسبوع و تبدا امتحانات الدور التاني

و تصحيح

و نتيجة

و على اول شهر ٨ عوده المدرسين

يلا

ربنا يسامحهم بقى

و يكون في عونا احنا المدرسين

و باكرر شكري لكم

عبدول و محمود

و كل سنه و انتم طيبين 😃