خطأ في إرسال النموذج

عند ملي الاستبيان و استكمال جميع الحقول و الوصول لخطوة التقديم submit

تظهر الرساله

كيف يمكن استكما هذا الاستبيان و تقديمه بدون ان يتوقف عند خطوة إلا submit

مرحبًا هالة،

شكرًا لتواصلك مع فريق دعم Jotform. وفقًا لهذا الخطأ، يبدو أن مالك النموذج قد تجاوز الحد الأقصى لحسابه ويحتاج إلى الترقية إلى حساب مدفوع. لقد تحققت من حالة عنوان البريد الإلكتروني المستخدم لفتح تذكرة الدعم هذه، ولكنني حصلت على نتيجة مفادها أن هذا حساب ضيف. إذا كنتي تقومين بملء النماذج، هل يمكنك تأكيد عنوان URL للنموذج للتحقيق في الأمر؟

بمجرد أن نسمع منك الرد، سنساعدك في هذا الأمر.

https://form.jotform.com/241892546698576مش عارفة يعني ايه النموذج تجاوز الحد الاقصى

انا جاوبت على الاستبيان في الحقول المطلوبه

و المفروض ان النموذج مجاني

لو مطلوب عمل ترقيه للحساب و يكون ده مدفوع

مش هاكون قادرة على إكمال النموذج للاسف

ده استبيان مطلوب من قبل وزارة التعليم

ى مش المفروض اني أتكلف اي مبالغ لاكماله

و مين اللي عمل الاستبيان ده لو عارف انه مطلوب يدفع عليه مبالغ ماليه

خلاص مش عاوزه منكم حاجة

انا زهقت

مرحبا هالة،

شكرا لمعاودتك الاتصال بنا، لقد راجعت هذا الحساب وتبين لي أنه حساب شخصي وغير رسمي. أي أنه مجاني وغير مرتبط بإيميل حكومي وفضلًا عن ذلك يحتاج صاحب هذا الحساب إلى التواصل معنا بشأن هذه المشكلة لنخبره كيفية حلها. إذا كنتي تعرفين صاحب هذا الحساب يمكنك أن تطلبي منه التواصل معنا من خلال حساب البريد الإلكتروني المرتبط بحسابه وسنساعده على حل المشكلة بكل تأكيد.

أخبرينا من فضلك إذا كانت لديك أي استفسارات أخرى.

المفروض حد من التلاته دول اللي عامل الاستبيان على موقعكم

اهو اي حد قاعد فاضي

قووووووم قال اما انكد على المعلمين على آخر الليل

انتم واضح أنكم من مكان ما مش عارفة فين

واضحً من توقيت الرسايل اللي جابه منكم ان في فرق توقيت

اي حاجة بقى

انا من ٣ ساعات و انا باحاول

زهقت والله

هو انتم فين

من اي مكان؟

في فرق توقيت ٧ ساعات

يعني هنا في مصر الساعة ١:٤٨ صباحا

الاربعاء ١٠ يوليو

مرحبا هالة،

شكرا لمعادوتك الاتصال بنا. نحن نعمل بتوقيت مختلف نظرا لأن شركة Jotform مقرها الرئيسي في أمريكا. إذا كنتي تعتقدين أن هذا النموذج احتيالي وغير حقيقي أخبرينا بذلك لنقوم بالتواصل مع صاحب هذا الحساب وطلب التاكيد منه.

بمجرد تلقي إجابتك سنساعدك في هذا الأمر.

لا لا سمح الله

ربنا ما يجيب اي احتيال ان شاء الله

و بعدين هيحتاجوا على مين يا حسره

؟؟

ده نموذج موجه للمعلمين الغلابه الله يعزى

يعني على رأي المثل

" إيش تاخد الريح من البلاط؟"

أنا بس كان غرضي اني أكمل الاستبيان و اقدمه و اخلص بقى

و اللي غاظني اني فضلت احاول فيه ٣ ساعات تقريبا

لما زهقت و قومت انام عشان اصحى تاني الصبح للمدزسه

و الحمد لله

ربنا كتب لي عمر جديد و صحيت دلوقتي و قايمه اهو رايحة المرسه

و شكرا يا خويا على ذوقك و الله

تعبتك و دوختك معايا

مع انه مش ذنبك

انا فاهىه

عموما

ربنا يكرمك

و يسعدك

و يفتحها في رشك

و صباح الخير عليكم كلكم من مصر يوم الاربعاء ١٠ يوليو الساعة ٧ الصبح

لمؤاخذه في السؤال

هو مين اللي بيرد علي

يعني حد بيعرف عربي

و لا رسالتي بتترجم و تردوا عليها و بعدين تترجموعربي و تبعتوها تاني؟

و لا اللي بيرد علي روبوت؟

اصلي شايفه الرد مترتب كده و مؤدب اوي

هل انت روبوت؟

مرحبا هالة،

نعم بالفعل، هناك قسم لخدمة العملاء باللغة العربية وايضا لغات أخرى مختلفة. بالنسبة لاستفسارك الآخر بخصوص صورة الحساب، لقد قمت بنقلة الى موضوع جديد. يمكنك الوصول اليه بالضغط علي هذا الرابط.

لا تترددي في التواصل مرة أخرى اذا كان هناك أي استفسار آخر.

والله يابني انت اخجلتني بادبك

و اعذرني

انت عارف الناس الكبار في السن بيبقى خلقهم ديق شوية

و الايميل بتاعي ده هو تاريخ ميلادي

يعني عندي ٥٣ سنه

طوله العمر ليك

و الحاجات اللي لها صله بالتكنولوجيا دي بتكون صعبه عليهم شويه

القصد

ربنا يبارك لك

و يديك على قد تعبك معايا و اكيد بتتعب كده برضك مع ناس تانيه

لي بس سؤال

هو الشخص اللي بيكلمني من بدايه استفساري هو نفسه

و لا كل مرة بيكون واحد مختلف

و ماتزعلش مني

انا ماقصدش حاجة من الصورة

انا كان قصدي صورة القطه اللي جنب اسمي

انما صورتك زي الفل

ربنا يبارك لك و يسعدك

الا انت من اي بلد؟